Kjöreign ehf., fasteignasala, Ármúla 21, Reykjavík, sími 533-4040 kynnir glæsilega rúmgóða 2ja herbergja íbúð á 1. hæð með sér inngangi og sérlega rúmgóðu merktu stæði í lokaðri bílageymslu. Birt stærð er 79,5 fm. Geymsla í kjallara er ekki í birtri stærð.
Lýsing. Forstofa, baðherbergi, eldhús, stofa, svefnherbergi, tvær geymslur og sér afnotaréttur af lóð.
Nánari lýsing. Rúmgóð forstofa með fataskáp. Rúmgott baðherbergi með glugga, gólf og veggir flísalagt. Gólfhiti. Baðkar með sturtu. Lagt er fyrir þvottavél og þurrkara í baðherbergi.  Eldhúsið er opið inn í hol og er með endurnýjaðri innréttingu. Borðplötur eru steinn. Holið er rúmgott með stórum skáp, búrskáp. Rúmgott svefnherbergi með tveimur skápum. Sérlega rúmgóð stofa með hurð út á sér lóð. Korkflísar eru á forstofu, holi, eldhúsinu og svefnherberginu. Parket er á stofunni.  Önnur geymslan er í íbúð innaf holi og er án glugga. Geymslan er nýtt sem vinnuherbergi í dag.. Hin geymsla er í sameign í kjallara innaf bílageymslu.
Endurbætur á íbúð og húsi. Árið 2006 var eldhúsinnrétting endurnýjuð. Nýjar korkflísar í forstofu, holi, eldhúsi og svefnherbergi. Baðherbergi endurnýjað með gólfhita. Nýjar innihurðir. Gler endurnýjað og glerlistar. Árið 2017 var íbúðin máluð. Árið 2021 voru korkflísar lakkaðar. Húsið var málað að utan árið 2010 og þá var skipt um sperrur og niðurföll. Árið 2016 var settur nýr þrýstijafnari. Gaflgluggi, blómagluggi á austurhlið endurnýjaður. Stigi upp á efri hæðir hússins er stálstigi, opinn og ruslatunnur voru færðar fjær húsinu. 

Einstaklega rúmgóð og falleg íbúð með sér inngangi. Húsið er í góðu ástandi að utanverðu. Einstaklega rólegt og notalegt umhverfi í nálægð við útivistarsvæði, skóla og alla þjónustu. Stutt inn á allar tengibrautir. Einstaklega rúmgott stæði í bílageymslu með steyptum hliðarveggjum.

Upplýsingar gefa sölumenn Kjöreignar í síma 533-4040 eða [email protected]
Dan Wiium lögm. og lögg. fasteignasali gsm. 896-4013 eða [email protected]
Ásta María Benónýsdóttir lögg. fasteignasali gsm. 897-8061 eða [email protected]