Kjoreign fasteignamiðlun ehf

Fasteignaviðskipti snúast oft um aleigu fólks og framtíðartekjur þess. Öryggi viðskiptanna er því augljóst. Fasteignasalar(löggiltir) eru því starfsstétt sem bera mikla ábyrgð. Þeir eru opinberir sýslunarmenn samkvæmt lögum. Þeim er veittur einkaréttur samkv. 2. gr. laga nr. 70/2015 að stunda fasteignaviðskipti en þar segir:

Þeim einum er heimilt að hafa milligöngu fyrir aðra um kaup, sölu eða skipti á fasteignum eða skráningarskyldum skipum sem hafa til þess löggildingu sýslumanns. Almenningur verður því að geta treyst því að vinnubrögð þeirra séu fagleg og að engin áhætta sé tekin. Krafa um starfsábyrgðartryggingu er lögð fram og að þeir lúti eftirliti eftirlitsnefndar sem skipuð er af Dómsmálaráðherra.